قازاقستان رەسپۋبليكاسى ۇكىمەتىنىڭ قاۋلىسى  №409 

2015 جىلعى 5 ماۋسىم, استانا, ۇكىمەت ءۇيى «وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ 2015 جىلعا ارنالعان رەسپۋبليكالىق بيۋدجەتتەن دەنساۋلىق ساقتاۋعا بەرىلەتىن اعىمداعى نىسانالى ترانسفەرتتەردى پايدالانۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2015 جىلعى 11 ناۋرىزداعى № 123 قاۋلىسىنا وزگەرىستەر ەنگىزۋ تۋرالى قازاقستان رەسپۋبليكاسىنىڭ ۇكىمەتى قاۋلى ەتەدى: 1. «وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ 2015 جىلعا ارنالعان رەسپۋبليكالىق بيۋدجەتتەن دەنساۋلىق ساقتاۋعا بەرىلەتىن اعىمداعى نىسانالى ترانسفەرتتەردى پايدالانۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2015 جىلعى 11 ناۋرىزداعى № 123 قاۋلىسىنا مىناداي وزگەرىستەر ەنگىزىلسىن: كورسەتىلگەن قاۋلىمەن بەكىتىلگەن وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ 2015 جىلعا ارنالعان رەسپۋبليكالىق بيۋدجەتتەن دەنساۋلىق ساقتاۋعا بەرىلەتىن اعىمداعى نىسانالى ترانسفەرتتەردى پايدالانۋ قاعيدالارىندا: 3-تارماقتىڭ 3) تارماقشاسى الىپ تاستالسىن; 5-تارماقتىڭ 1) تارماقشاسى مىناداي رەداكتسيادا جازىلسىن: «1) سكرينينگتىك زەرتتەۋلەر جۇرگىزۋگە: ايەلدەر اراسىندا جاتىر موينى وبىرىن انىقتاۋعا; ەرەسەك تۇرعىندار اراسىندا كولورەكتالدىق وبىردى ەكى كەزەڭدىك ادىسپەن انىقتاۋعا; اقتوبە, اتىراۋ, شىعىس قازاقستان, باتىس قازاقستان, قاراعاندى, قوستاناي, قىزىلوردا, پاۆلودار, سولتۇستىك قازاقستان وبلىستارىنىڭ, استانا جانە الماتى قالالارىنىڭ ەر ادامدارى اراسىندا قۋىقاستى بەزى وبىرىن انىقتاۋعا; اقتوبە, اتىراۋ, شىعىس قازاقستان, باتىس قازاقستان, قاراعاندى, قوستاناي, قىزىلوردا, پاۆلودار, سولتۇستىك قازاقستان وبلىستارىنىڭ, استانا جانە الماتى قالالارىنىڭ تۇرعىندارى اراسىندا وڭەش وبىرىن, اسقازان جانە باۋىر وبىرىن انىقتاۋعا; ءسۇت بەزى وبىرى بويىنشا سكرينينگتىڭ ەكىنشى كەزەڭىن جۇرگىزۋگە;»; 6-تارماق مىناداي رەداكتسيادا جازىلسىن: «6. وسى قاعيدالاردىڭ 5-تارماعىنىڭ 4) تارماقشاسىندا كورسەتىلگەن امبۋلاتوريالىق ەمحانالىق ۇيىمداردا ونكولوگيالىق, ماممولوگيالىق كابينەتتەر, كونسۋلتاتسيالىق-دياگنوستيكالىق ەمحانالاردا (ورتالىقتاردا), كوپبەيىندى اۋرۋحانالاردىڭ بولىمشەلەرىندە پروكتولوگيالىق كابينەت اشۋعا جانە ولاردىڭ جۇمىس ىستەۋىنە ارنالعان شىعىستاردى قوسپاعاندا, وبلىستاردىڭ, استانا جانە الماتى قالالارىنىڭ دەنساۋلىق ساقتاۋدى مەملەكەتتىك باسقارۋدىڭ جەرگىلىكتى ورگاندارى ۋاكىلەتتى ورگان بەكىتەتىن تمككك كورسەتۋ جونىندەگى قىزمەتتەر بەرۋشىنى تاڭداۋ جانە ونىڭ شىعىندارىن وتەۋ قاعيدالارىنا سايكەس تمككك كورسەتۋ بويىنشا مەديتسينالىق قىزمەتتەر بەرۋشىنى تاڭداۋ ءراسىمىن جۇزەگە اسىرادى.»; 4-تاراۋ الىپ تاستالسىن. 2. وسى قاۋلى 2015 جىلعى 1 قاڭتاردان باستاپ قولدانىسقا ەنگىزىلەدى جانە رەسمي جاريالانۋعا ءتيىس. قازاقستان رەسپۋبليكاسىنىڭ پرەمەر-ءمينيسترى ك. ءماسىموۆ.